Prezantuesja e njohur Dojna Mema, pasi postoi në profilin e saj në Instagram pikturën ‘L’origine du monde’ të Gustave Courbet, të shkrepur gjatë udhëtimit të saj në Francë, është gjendur në mesin e një morie kritikash e akuzash.
Piktura në fjalë tregon një femër të shtrirë ku në pah është vendosur organi i saj gjenital. Mesazhi që përcjell kjo vepër arti është se prej saj është origjina e botës.
Komentet në foto kanë qenë nga më të ndryshmet. Komentet fyese ndaj moderatores ishin të panumërta madje disa e shanin nga e ëma apo i ati i ndjerë që humbi jetën pak kohë më parë.
Dojna është detyruar t’i bllokojë komentet në postimin e saj dhe nuk e ka fshirë nga profili i saj në Instagram por ka reaguar në Story dhe më pas ka përzgjedhur si më pikantet tre nga “akuzat” e ngritura ndaj saj duke uruar 8 marsin.
“Trishtë se si gruaja që u vra mbrëmë në Durrës, si ajo tjetra që u masakrua, copëtua. E trishtë se si gratë akoma nuk e kuptojnë që sjellin jetë dhe janë mrekullia vetë. E trishtë se burrat tanë tronditen nga një vepër arti që simbolikisht “i ka sjellë në jetë” por nuk neveritet kur një vajzë dhunohet në rrugë(eksperiment i bërë në program). Boll më shatë nga mami, babi (ndjesë pastë) apo “virgjëria”, sepse asnjë nga këto nuk mbyt fatkeqësinë e një shoqërie që ngre në piedestal prapanicat e veshura pa shije dhe gropos mendimin. E trishtë si gruaja që u vra mbrëmë në Durrës, si ajo tjetra që u masakrua, u vra, u copëtua. Pastaj flasim për moral! Dhe ti 12-vjeçarja që po më lexon. Të lutem mbylli sytë dhe përsërit me veten:
Një ditë kjo dhunë, ky mentalitet do të marrë fund edhe prej meje. Sepse je qënia më e bukur e kësaj bote. Mbaj qëndrimin tënd, thuaj të vërtetat e tua edhe qëndro gjithmonë me kokën lart. Sepse je grua dhe je dhurata më e bukur e kësaj bote! Sepse je vetë jeta!”, shkruan Dojna.
