Kryetari i Partisë Demokratike, Lulzim Basha, ka deklaruar sot se me ndryshimet në qeveri nuk ka shpresë për shqiptarët, sepse qeveria ka humbur legjitimitetin moral dhe politik dhe shpresa e vetme është largimi i Edi Ramës.
Në një deklaratë për mediat para selisë së PD-së, Basha u shpreh se “Nga ky ndryshim në qeveri dhe nga ndryshime të tjera nuk vjen asgjë tjetër përveç përkeqësimit të jetës së shqiptarëve, me taksa të rritura, me rënien e fuqisë blerëse, me shpunësimin dhe varfërinë për shkak të politikave të Ramës dhe nuk ka asnjë shans të ndryshojë, pasi qeveria është në ditët e saj të fundit”.
Basha theksoi se ndryshimi i vetetë që do të ngjallte shpresë dhe gëzim të shumica e shqiptarëve dhe jo te opozita, do të ishte largimi i Edi Ramës.
“Njeriu që dështoi për të përbushur qoftë dhe një premtim të vetëm para shqiptarëve, provoi se skema e tij ishte për të vjedhur pasuritë e shqiptarëve, mineralet, shërbimet, tenderat. Ishte projekti për t’i dorëzuar Shqipërinë krimit, ishte projekti që i detyroi shqiptarët të zgjedhin mes varfërisë, burgut apo emigracionit. Ndaj lëvizja e sotme është pritur me indiferencë të madhe nga qytetarët shqiptarë, për opozitën shqiptare, për Partinë Demokratike”, tha Basha.
“Basha theksoi se “Kjo qeveri ka humbur çdo legjitimitet moral dhe politik, se varka e shpuar e qeverisë nuk është në gjendje të sigurojë edhe problemet më akute, siç është rendi dhe siguria në radhë të parë, lufta kundër krimi dhe respektimi i të drejtave qytetarëve, por është kthyer në armiken e të drejtave qytetare. Ndaj shqiptarët po bashkohen në një koalicion të madh që po i kalon vijat dhe profilet politike për të realizuar ndryshimin e vertetë dhe ky ndryshim i vertetë fillon me largimin e Edi Ramës”, tha Basha.
