Presidenti Ilir Meta ka paralajmëruar se qeveria mund të krijojë “alerte” të rreme për të penguar tubimin e thirrur nga ai në 2 Mars.
Në një konferencë për mediat, Meta u pyet lidhur me arrestimin e botuesit Henri Çili: A është ai peshku i madh?
Kreu i shtetit tha se “cilido që ka probleme me ligjin duhet të përballet pavarësisht situatës ku jemi”.
Ai shtoi se, “kjo situatë e detyron Presidentin ti drejtohej popullit dhe të dëgjojë zërin e tij”.
“Por nuk do të habitesha për shkak të alertit të grupit puçist nëse ju do të dëgjoni nesër-më falni që po përmend emrat-se zoti Fatos Lubonja dhe Artur Zheji u arrestuan se drejtojnë organizatën e Camorrës dhe Ndragetës apo se te pallati pranë Presidencës u zbuluan dy persona me koronavirus. Pra. Alerti është për persona që duan të shmangin një çështje shumë të madhe ku është bashkuar çdo qytetar me dinjitet zërin e të cilëve do ta dëgjojë e gjithë bota demokratike”, deklaroi kreu i shtetit.
Në fund, Meta bëri apel për pjesëmarrje në tubimin që zhvillohet kundër kapjes, që sipas tij, mazhoranca po i bën gjykatës Kushtetuese: “Në 2 mars në 17 00 të gjithë në Tiranë”.
Presidenti Ilir Meta ka dalë sot para mediave për të sjellë prova të reja, siç tha ai, të mashtrimeve të Komisionit të Ligjeve të drejtuar nga Ulsi Manja dhe Kuvendit, për ligjin për Gjykatën Kushtetuese.
Meta: Si mashtroi Komisioni i Ligjeve dhe Kuvendi për Gjykatën Kushtetuese
