Presidenti amerikan Donald Trump do ta emërojë kongresmenin John Ratcliffe në postin e drejtorit të Intelingjencës Kombëtare të SHBA-ve, njofton korrespodenti i INA nga Nju Jorku. Trump këtë e bëri të ditur përmes rrjetit social. Ky emërim vjen pas dorëheqjes së drejtorit të deritanishëm, Dan Coats.
“Unë jam i kënaqur të njoftoj se Kongresisti shumë i respektuar John Ratcliffe nga Teksasi do të emërohet nga unë për të qenë Drejtori i Inteligjencës Kombëtare”, shkroi Trump në Twitter.
Ratcliffe, një ish-Avokat i SHBA, 53-vjeçar, ka qenë një mbështetës i fortë i Presidentit Trump në të kaluarën. Ai ka shërbyer në Kongres që nga viti 2014 pasi ai e hodhi poshtë rolin e gjatë të kongresistit Ralph Hall, qysh në garën fillimore në partinë republikane.
Ratcliffe ka fituar vëmendjen e publikut për rolin e spikatur që ai ka luajtur në seancat dëgjimore të Kongresit, sidomos ato që përfshinin Këshillin Special për Departamentin e Drejtësisë të Shteteve të Bashkuara, me Kryeprokuror Robert Mueller.
Rrethi i katërt i kongresit që mbulon pjesën verilindore të zonës Dallas-Fort Worth, është shumë republikan. Ai ka edhe grupin më të madh të shqiptarë amerikanëve republikan, që drejtohet nga veprimtari i njohur dhe biznesmeni i suksesshëm Nazar Mehmeti – Presidenti i Rrjetit të Bizneseve Shqiptare në Diasporë, i cili së bashku me Sekretarin e Përgjithshëm të këtij rrjeti dhe veprimtarët Ylber Korca dhe Gani Fejza, janë miqt më të afërt të John Ratcliffe.
Ismet Smajli, shqiptari më i afërt me kongresistin e Teksasit John Ratcliffe, nuk mundi ta “fshehë” kënaqësin e tij për këtë emrim kaq të lart të mikut të tij, duke shkruajtur në llogarinë e tij në Facebook, miqve dhe anëtarve të Rrjetit të Bizneseve të Diasporës Shqiptare, se ai deshiron të ndaj me këtë rast me gjithë shqiptarët këtë lajm tepër të mirë.
Ai më tej shpjegon se Kongresisti John Ratcliffe është mik dhe përkrahës i fuqishëm i Kosovës dhe çështjes shqiptare në Ballkan. Ai së fundi ishte i pranishëm në “Forumin Ekonomik Mbarëkombëtar të Diasporës Shqiptare” në New York në vitin 2016 , i organizuar nga Rrjeti i Bizneseve të Diaspores Shqiptare në SHBA.
Ratcliffe fitoi rizgjedhjen në Kongres në 2018 me mbi 50 për qind. Ai aktualisht shërben në Komitetin e Inteligjencës, Komitetin për Sigurinë e Brendshme dhe Komitetin e Gjyqësorit të Kongresit amerikan. (Nga Beqir Sina – INA)
