Pas dështimit të tre tentativa, për shkak të mungesës së palëve të paditura, sot pritej të zhvillohej seanca e masës së sigurimit të padisë në Gjykatën Administrative të Tiranës për për padinë e ngritur nga banorët e zonës së Zall Gjoçajt kundër ndërtimit të HEC-it në Parkun Kombëtar “Lurë – Mali i Dejës”.
Por edhe sot seanca nuk është zhvilluar tamam pasi trupi gjykues nuk kishte kuorum sepse munognin 2 prej 3 gjyqtarëve, duke bërë që të zhvillohej gjysmake.
Sipas Lëvizjes Vetëvendosje në Tiranë, anëtarët e së cilës kanë qenë në mbështetje të banorëve në seancë, gjyqtarja në vend që të vendosej për masën e sigurimit të padisë për pezullimin e punimeve të ndërtimit të HEC-it të jashtëligjshëm në park, ajo mundësoi vetëm shkëmbimin e dokumentacionit mes palëve.
Sipas tyre, kjo situatë i leverdis kompanisë së ndërtimit e cila po tenton ta bëjë fakt të kryer futjen e punimeve të ndërtimit të HEC-it brenda parkut kombëtar.
Sipas LVV-së në Tiranë është e domosdoshme organizmi dhe mobilizimi në terren për ta ndalur këtë projekt të jashtëligjshëm dhe shkatërrimtar.
Postimi i plotë i Lëvizjes Vetëvendosje në Tiranë:
Në gjykata e në terren, vazhdon organizimi kundër HEC-it të jashtëligjshëm në Zall Gjoçaj
Tre tentativava të mëhershme dështuan për të mbajtur një seancë në Gjykatën Administrative të Tiranës, për padinë e ngritur nga banorët e zonës së Zall Gjoçajt kundër ndërtimit të HEC-it në Parkun Kombëtar “Lurë – Mali i Dejës” sepse palët e paditura nuk paraqiteshin. Ndërsa ditën e sotme nuk u paraqitën gjyqtarët. Trupi gjykues nuk kishte kuorum sepse munognin 2 prej 3 gjyqtarëve. Prandaj sot u mbajt një seancë gjysmake. Në vend që të vendosej për masën e sigurimit të padisë për pezullimin e punimeve të ndërtimit të HEC-it të jashtëligjshëm në park, gjyqtarja sot mundësoi vetëm shkëmbimin e dokumentacionit mes palëve. Një seancë e radhës pritet të mbahet brenda dy javësh, por ndërkohë kjo situatë i leverdis kompanisë së ndërtimit e cila po tenton ta bëjë fakt të kryer futjen e punimeve të ndërtimit të HEC-it brenda parkut kombëtar.
Përfaqësues të organizatave mjedisore, aktivistë të shoqërisë civile dhe aktivistë të Lëvizjes VETËVENDOSJE! Qendra në Shqipëri, u bashkuan sot me banorët e zonës gjatë mbajtjes së kësaj seance gjysmake në Gykatën Administrative të Tiranës, në mbështetje të mbrojtjes së parkut kombëtar dhe të së drejtës për ujë të pijshëm për rreth 10,000 banorë të zonës.
Për banorët është bërë e qartë prej kohësh se krahas luftës juridike, e cila po zvarritet me qëllim, është e domosdoshme edhe organizmi dhe mobilizimi në terren për ta ndalur këtë projekt të jashtëligjshëm dhe shkatërrimtar. Lëvizja VETËVENDOSJE! Qendra në Shqipëri solidarizohet plotësisht më këtë kauzë për ujë e për jetë – një kauzë që na prek të gjithëve sepse parku kombtar është pasuri e jona e përbashkët, ndërsa jetë pa ujë nuk ka.
Tiranë, 28 shkurt 2020
Lëvizja VETËVENDOSJE!
Qendra në Shqipëri
https://www.facebook.com/LVVShqiperi/photos/a.284366375838154/501467160794740/?type=3&theater
