Reshjet e borës që përfshinë juglindjen e vendit kanë shkaktuar dhe probleme në qarkullimin e mjeteve në akset rrugore.
Në qarkun e Korçës, në Dardhë trashësia e borës ka arritur 20 cm, raportohen probleme në qarkullim në këtë zonë për shkak të dendësisë. Qafa e Qarrit ka arritur 10 cm. Nevojiten zinxhirët për këto 2 akse. Ndërkohë siç shihet dhe në videon e mëposhtme, vështirësi në qarkullim ka dhe në Qafë-Thanë, por është i kalueshëm për mjetet.
Në Qafë-Thanë
Ndërkohë në zonat malore të Elbasanit, Librazhdit, Gramshit e Prrenjasit kanë rënë reshje të dendura dëbore. Në Elbasan janë zbardhur edhe njësitë administrative Gjinar dhe Zavalinës. Në Librazhd po ashtu ka pasur reshje të dendura dëbore ku në Stëblevë trashësia ka arritur 30 cm.
Rruga Librazhd-Peshkopi kalohet me zinxhirë. Reshje dëbore ka në Rrajcë e Sopot të Prrenjasit. Mungon energjia elektrike ne fshatrat e Librazhdit dhe Prrenjasit per shkak edhe te eres së fortë të natës së shkuar.
