Sokol Hoxha nuk u paraqit në ceremoninë e varrimit të nënës së tij, Nexhmije Hoxha. Kjo konfirmohet për “Panoramën” nga Muharrem Xhafa, ish-zyrtar i Komitetit Qendror dhe bashkëpunëtor i Nexhmijes.
“E mora vesh edhe unë këtë vendim të tyre dhe më erdhi keq. Së paku, tani në fund le t’i gjendeshin aty pranë për t’i hedhur një dorë dhe. Punë e tyre, gjithsesi…”,- u shpreh ai.
Sokoli dhe gruaja e tij, Liljana, nuk e kanë vizituar Nexhmijen për të paktën 10 vite. Ndarja e tyre, e bërë publike, erdhi si pasojë e deklaratave të nuses së familjes Hoxha, e cila ka kritikuar shpesh herë regjimin që ndërtoi vjehrri i saj, diktatori famëkeq Enver Hoxha.
Ndërkohë që njerëzit që që kanë marrë pjesë në funeralin e saj ditën e sotme, siç shihet në foton e mëposhtme, numërohen me gishta, pasi nuk ka marrë pjesë asnjë qytetar.
