Pas mesnate mësohet se zjarri ka “shkrumbuar” dy banesa në Tropojë.
Mësohet se zjarri ka rënë rreth orës 00: 30 në fshatin Cerrnicë në një nga pallatet e ish-fermës ku janë djegur dy apartamente në pronësi të Dede dhe Gege Sokoli.
Fatmirësisht nuk raportohet për të lënduar në njerëz, por vetëm dëme materiale. Zjarrfikësja e mbërritur menjëherë në vendngjarje ka bërë të mundur lokalizimin e flakëve, duke shpëtuarnga djegia banesat e tjera në pallat.
Paraprakisht mësohet se shkak i zjarrit ka qenë një shkëndijë elektrike.
