Kryeministri Edi Rama ka bërë një vizitë në qytetin e Patosit në prag të vitit shkollor ku është shfaqur shumë entuziast mes disa përfaqësueseve të pushtetit vendor, arsimit dhe deputetë, pjesa më e madhe femra por nuk ka shkuar gjithcka ashtu sic duhet për të.
I shoqëruar nga Kryetarja e Bashkisë së Patosit, Rajmonda Balilaj, deputetja e zonës Antoneta Dhima dhe Prefekt i Qarkut Fier Xhevit Bushaj, Rama ka vizituar ambientet e shkollës së mesme “Zhani Ciko”, e cila sapo është rikonstruktuar, ku sigurisht në vijim të shfaqjeve të tij ka bërë edhe një foto me të pranishmit.
Por një adoleshent ndoshta që nuk ka qenë dakord me ato cfarë ka thënë kryeministri ka bërë një gjest të pakëndshëm me duar, duke ngritur 2 gishtat e mesit, që ka rënë në sy menjëherë, e duke ia prishur ëndrrat kryeministrit, të cilit nuk po i shkojnë ashtu sic ka menduar shfaqjet me realitetin e tij rozë ose mavi të rilindjes.
Dy vizitat e fundit të Ramës nuk kanë shkuar ashtu sic e kishte menduar. Ndonëse gjatë inspektimit të punimeve në Lungomaren e Vlorës devijoi trafikun për të dalë mirë para kamerave, të gjithë e kuptuan gënjeshtrën e tij. Ndërsa gjatë vizitës së tij në Shkodër, Rama doli nga vetja ose tregoi atë që ishte me të vërtetë gjatë debatit me kryebashkiaken Voltana Ademi. Kryeministri shqiptar ndoshta duhet të ndërrojë strategji pasi shqiptarët nuk janë më ata të 2013-ës.
