Kreu i PD-së, Lulzim Basha i ka urdhëruar forcat e strukturës politike që ai drejton që të marrin pjesë në tubimin e organizuar nga presidenti Ilir Meta më 2 mars në bulevardin “Dëshmorët e Kombit”.
Ai iu ka thënë se duhet t’i përgjigjemi çdo thirrje në mbrojtje të Kushtetutës dhe funksionimin demokratik të institucioneve të pavarura.
‘Si qytetarë që duam që vendi të bëjë hapa para drejt konsolidimit të demokracisë, duhet t’i përgjigjemi çdo thirrje në mbrojtje të Kushtetutës dhe funksionimin demokratik të institucioneve të pavarura. Prandaj unë e mbështes tubimin e thirrur nga Presidenti për Kushtetutën!’, shkruan Basha.
Ndërkohë më tej ai lë edhe dy porosi, që ky mesazh të shpërndahet tek të gjitha strukturat e partisë dhe për më shumë informacionet do t’i jap Sekretari i Përgjithshëm i PD Gazment Bardhi.
Dy porositë e Bashës:
1. Ky mesazh të shpërndahet tek të gjitha strukturat e partisë.
2. Mbi këtë çështje do të keni gjatë ditës bisedë telefonike me Sekretarin e Përgjithshëm, për masat organizative.
Kujtojmë që tubimin e presidentit deri më tani e kanë mbështetur disa nga aleatët e opozitët, të cilët kanë deklaruar se do të jenë prezent në bulevard.
