Policia ka vënë në pranga kryetarin e Dhomës së Tregtisë dhe Industrisë në Lezhë, Pashk Palokaj.
Arrestimi i tij u bë me urdhër të prokurorisë pas hetimeve të kryera për vdekjen e një punëtori në muajin qershor 2019 tek pallati që ai po ndërtonte në lagjen “Besëlidhja” të Lezhës.
Pashk Palokaj akuzohet për ndërtim pa leje, moszbatim i rregullave të sigurisë në punë dhe punësim të paligjshëm.
Punëtori me iniciale M.Sh. 43-vjeç, ra nga skela teksa ishte duke punuar në pallatin në ndërtim në pronësi të Pashk Palokajt. Ai u transportua me urgjencë në spital, u fut në sallën e operacionit, por nuk arriti t’iu mbijetonte dot plagëve të marra. Ngjarje kjo e ndodhur më 16 qershor të vitit të kaluar.
