Në një kohë ku koronavirusi ka shkaktuar viktimën e 7, një lajm i mirë vjen nga Italia fqinje, ku sipas medieve një emigrant shqiptar, i cili fillimisht u dyshua si i prekur nga virusi ka rezultuar negativ.
Ai iu nënshtrua analizave përkatëse nga mjekët italiane pasi kishte shfaqur disa simptoma dyshuese me kronavirusin, por më pas ai rezultoi se nuk ishte prekur nga virusi vdekjeprurës. Shqiptari u shtrua në spitalin e Avellinos pas një qëndrimi prej disa ditësh në Verona, në veri të Italisë.
Mediat italiane raportojnë se emigranti shqiptar kishte shfaqur temperaturë të lartë dhe kollë të fortë, por fatmirësisht nuk ishte prekur nga koronavirusi. Mjekët i kanë dhënë edhe një recetë kurimi për bajamet, të cilat i kishte të irrituara.
Ndërkohë numri i të infektuarve nga ky virus i lindur në Kinë ka shkuar në mbi 230 persona në Itali./Tch
