Ndaj presidentit të Paris Saint Germain, Nasser Al-Khelaifi, janë ngritur disa akuza në Zvicër, rreth rolit të tij në caktimin e të drejtave televizive të Kupës së Botës, të vitit 2026 dhe 2030.
Al-Khelaifi është kreu i rrjetit televiziv sportiv “BeIN Sport” në Katar, dhe sipas akuzës, Al Khelaifi ka arritur të fitojë të drejtat e transmetimit në platformën e tij televizive, duke korruptuar zyrtarët e FIFA-s.
Zyra e Prokurorit të Përgjithshëm në Zvicër, thotë se ka ngritur akuza për Al-Khelaifi pasi ka nxitur ish-Sekretarin e Përgjithshëm të FIFA-s, Jerome Valcke “për të kryer shpërdorim të rëndë të detyrës”.
Valcke është akuzuar se ka marrë ryshfet dhe për falsifikim dokumentesh.
