Harrojini jahtet, “lodrat” e preferuara të super të pasurve tani janë të tjera. Tani ata kanë pasion nëndetëset.
John Ramsey, shefi i dizajnit për “Triton”, një kompani që prodhon nëndetëse luksoze, në një intervistë për revistën “1843”, rrëfen trendin më të ri të udhëtimeve të të pasurve në dete e oqeane.
“Çfarë bëjnë ata në nëndetëse? Gjërat që bëjnë kur janë mbi ujë. Soditin peshqit tropikalë pa iu lagur flokët dhe pinë shampanjë në thellësitë e Antarktikut ose kalojnë në ngushticën Mariana”.
Kjo e fundit ndodhet në Oqeanin Paqësor dhe është 10 994 metra e thellë. Vetëm tre njerëz kanë zhytur në të deri tani.
Ramsey thotë se tashmë një pjesë e miliarderëve i kanë blerë mjetet e tyre nënujore. “Richard Branson ka një të tillë, po ashtu edhe Roman Abramovich. Ray Dalio, një tjetër miliarder, ka dy të tilla”.
A janë të përshtatshme si jahtet? “Zakonisht, një “Triton” ka vend të mjaftueshëm për tre persona. Dhe harrojeni të jetoni në to”, thotë Ramsay.
Sa kushtojnë?
Një nga ato që zhyten deri në hendekun Mariana shkojnë deri në 30 milionë dollarë. Por ka edhe çmime më modeste. Ato fillojnë nga 2 milionë dollarë.
Gjithsesi, një jaht ku ta mbani është i domosdoshëm.
