Edhe pse e ka pranuar që në policinë e shtetit ka korrupsion, kryeministri Edi Rama e ka cilësuar punën e saj një shembull suksesi. Kjo pasi sipas kryeministrit ka shumë më pak ryshfet.
“Sot nuk është më policia e ryshfetit si tre vjet më parë. Sot ka shumë më pak ryshfet e korrupsion dhe ka shumë më tepër përgjegjshmëri për t’ju përgjigjur qytetarit. Kam marrë qindra mesahe nga qytetarët që erdhën me pushime me konsiderata të larta.
Policia e shtetit shembull suksesi, por vetëdija se ka ende probleme për t’u zgjidhur është garanci se ne e dimë se çfarë duhet të bëjmë dhe kjo tregon se dimë ta bëjmë atë që duhet”, u shpreh Rama.
Nga ana tjetër edhe për suksesin ndaj luftës kundër korrupsionit kryeministri thotë se është rrugës, pasi reforma është në drejtimin e duhur.
“Korrupsioni në sektorin e energjisë. Çfarë bëhej me matësit faturrat etj? Ska përfunduar akoma procesi nga pastrimi i elemenetëve të korruptuar nga skema, por reforma është në drejtimin e duhur dhe do të bëjë të mundur, sot me matësa të gjithë, s’ka afrofe, janë pajisur me instrumenta elektronikë që kontrollohen kontrollorët. Është e pamundur që lexuesit të bëjnë lodra me matësin dhe faturrën që shkruhet”, shprehet kryeministri.
“Janë bërë hapa të rëndësishëm për të çliruar shtetin dhe qytetarin nga tentakulat e korrupsionit por ka ende probleme të mëdha, sepse kur i ndjen si qytetari janë të padurueshme”, pohon kryeministri.
