I ftuar sot në emisionin “Një kafe me Labin”, Patris Berisha i dha fund thashethemeve se ai dhe Tuna, i kanë dhënë fund martesës. Për të ky ishte një lajm i kotë, pa baza, dhe i pavërtetë.
Deklarata e Patris Berishës:
“Unë vazhdoj të jem bashkë me Tunën. Doja të thosha diçka për portalet. Le të më marrin në telefon dhe i jap çdo informacion të saktë. Kanë thënë diçka, në lidhje me mbiemrin e Tunës në instagram. Ajo është punë e menaxherit, që ka lënë vetëm emrin e Tunës, në instagram, pa mbiemër. Unë akoma se kam parë. Nuk jemi ndarë, dhe dashtë zoti nuk do të ndahemi. Por nëse ndodh, për më të mirën e çiftit apo fëmijës, le të ndodhë. Këto janë thashetheme”.
Ai ishte i shoqëruar nga vëllai i tij Robert Berisha në emision dhe thanë se mes tyre nuk ka asnjë hatërmbetje.
