Policia e Fierit ka shoqëruar shtetasin Agron Bego, mësues muzike në shkollën e mesme artistike “Jakov Xoxa” në Fier. Mbrëmjen e djeshme ai u denoncua nga një nxënëse në emisionin “STOP” për ngacmim seksual.
“Në lidhje me rastin e publikuar mbrëmjen e djeshme në emisionin investigativ “Stop”, ku bëhej fjalë për ngacmimin seksual të një nxënëseje nga mësuesi, Policia menjëherë ka bërë shoqërimin e shtetasit A. B., 63 vjeç, banues në Fier”– njofton policia.
Agron Bego dyshohet se ka kryer veprën penale “Ngacmimi seksual”.
Materialet i kaluan Prokurorisë pranë Gjykatës së Shkallës së Parë Fier për veprime të mëtejshme proceduriale.
Profesori në videon e shfaqur në emisionin “Stop” ofrohej ta ndihmonte vajzën me mungesat, në këmbim të intimitetit. Madje profesori Agron Bego thotë, se vajza nuk duhet të bëjë seks me bashkëmoshatarë, se ata nuk dinë të bëjnë seks.
Skandal në Fier, profesori ngacmon seksualisht nxënësen: Hape telefonin, kur të marr, se më çmende!
