Thirrjet ‘Rama ik’ tashmë nuk i gjen vetëm në stadiumet brenda dhe jashtë Shqipërisë, por edhe në aktivitetet zyrtare të politikanëve shqiptarë.
Thirrjet ‘Rama ik’ janë dëgjuar edhe në mbyllje të fjalës së Presidentit të Republikës Ilir Meta, gjatë aktivitetit që po zhvillohej tek Teatri Kombëtar në kuadër të ‘100-vjetorit’ të Tiranës’.
Ndërkohë që vetë kryeministri Edi Rama dhe kryebashkiaku Veliaj ishin duke zhvilluar një aktivitet paralel tek ‘Pallati i brigadave.
Gjatë fjalës së tij në aktivitetin për ‘100 vjetorin’ e kryeqytetit, Meta u shpreh se Tirana u bë qyteti i barrikadave në luftën për çlirim, si dhe lokomotiva e zhvillimit në një sërë fushash.
“Tirana përbën potencialin më të mirë të mendimin intelektual dhe na udhëheq drejt aspiratës euroatlantike. Shoqata “Tirana Intellectum” po bën një punë shumë të mirë në promovimin e kulturës. Ky 100 vjetor është sipari i këtyre festimeve, do të kemi një sërë festimesh gjatë gjithë vitit”, tha ndër të tjera Meta.
