Një person është plagosur me thikë paraditen e sotme në Kamëz.
Shtetasi I. P., 23 vjeç në bashkëpunim edhe me disa shtetas të tjerë, ka plagosur me thikë, për motive të dobëta, shtetasin R. K., 25 vjeç, njofton policia.
Autori është vënë menjëherë në pranga.
Ngjarja ka ndodhur në Bulevardin Blu, Kamzë, poshtë rrethit të Bathores.
Gjithashtu është proceduar penalisht edhe 34 vjeçari me iniciale E.K., pasi gjatë konfliktit ka plagosur lehtë me sende të forta 25-vjeçarin.
Mbi shtetasin I.P. rëndojnë akuzat për veprat penale “Plagosja e rëndë me dashje” dhe “Mbatja pa leje e armëve të ftohta”.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
