Aktori i njohur i filmave komedi, Orson Bean, është përplasur për vdekje nga një automjet në Los Angeles, shkruajnë mediat e huaja.
91-vjeçari është përplasur nga një makinë teksa po kalonte rrugën. Më pas e ka goditur një automjet tjetër dhe autoritetet kanë thënë se kjo ka qenë goditja fatale. Ai ka lënë pas gruan dhe katër fëmijët.
Një mik i aktorit, që ishte dëshmitar i aksidentit të rëndë, konfirmoi se Bean humbi jetën pas përplasjes. Aktori mësohet se ishte nisur për në teatrin ku punonte gruaja e tij prej 23 vitesh, Alley Mills.
Kujtojmë se Orson ka luajtur në seriale të njohura televizive, si “To Tell the Truth” e “Dr. Quinn, Medicine Woman”, në filmat e suksesshëm “Anatomy of a Murder” e “Being John Malkovich”, si edhe në shfaqje të Broadway, ku ishte i nominuar për çmimin Tony për rolin e tij në mjuziklin “Subways Are for Sleeping”.
Ai është një aktor i njohur edhe për shqiptarët pasi ka luajtur në filmin “Shtëpiaket e Dëshpëruara” që pëlqehej dhe ndiqej shumë në vendin tonë.
