Europa dhe NASA nisën në hapësirë anijen ‘Solar Orbiter’, e cila ka si mision të sjellë pamje nga polet e Diellit.
“U nisëm për në Diell. Para Solar Orbiter,’ tha Cesar Garcia Marirrodriga, menaxher i projektit për Agjencinë Hapësinore Europiane, duke e cilësuar këtë si një moment fantastik dhe të pandalshëm.
Anija kozmike me vlerë 1.5 miliardë dollarë do i bashkohet sondës amerikane Solar Parker, me qëllim për të siguruar pamje sa më afër Diellit.
Synimi do jetë zbulimi i sekreteve të tij. Rreth 1 mijë shkencëtarë dhe inxhinierë janë angazhuar në këtë mision. Solar Orbiter peshon 1800 kg dhe është e mbushur me kamera dhe sensorë. Ajo do sjellë pamjet e para nga afër Diellit vetëm në vitin 2022.
Shkencëtarët duan të gjejnë një përgjigje për pyetjen se si krijohet helisofera e Diellit-kjo flluskë e madhe mbrojtëse që rrethon sistemin tonë diellor dhe përse kjo flluskë ndryshon me kalimin e kohës.
Dielli hedh herë pas here miliona ton materie, duke shkaktuar probleme edhe në Tokë. Këto stuhi sjellin probleme te satelitët në hapësirë dhe ndërhyjnë te komunikimet në radio. Me raste, ato mund të shkaktojnë probleme edhe në rrjetin elektrik. Studiuesit shpresojnë se duke marrë njohuri nga Solar Orbiter, të përmirësojnë modelet për të parashikuar shpërthimet më të këqija.
