Një shqiptar ka mbetur i plagosur pasi ndaj tij është qëlluar me armë zjarri mbrëmjen e shkuar në Pontecurone, në Itali.
Sipas asaj që shkruajnë mediat italiane, i plagosuri rreth moshës 38 vjeç është jashtë rrezikut për jetën. Ai kishte marrë dy plumba në këmbën dhe një në dorën e djathtë.
Një sherr banal i ndodhur në lokalin “La Mela” mendohet të ketë qenë shkaku i plagosjes.
Konflikti ka nisur brenda ambienteve të barit, ndërsa është vazhduar edhe jashtë tij ku është përdorur edhe arma.
Hetimet për ngjarjen vazhdojnë ende, ndërsa ende nuk është bërë i ditur emri i shqiptarit të plagosur.
