Një police që shërbente në një burg në Britaninë e Madhe është dënuar nga gjykata pasi pranoi që ka kryer marrëdhënie seksuale me një kriminel, i cili po vuante dënimin në institucionin ku ajo punonte.
Mediat raportojnë se Stephanie Smithwhite, 40 vjeçe, u lidh me kriminelin Curtis Warren, i cili ndodhej në burg për rezistencë ndaj autoriteteve.
Prokuroria është shprehur se gruaja ka kryer marrëdhënie seksuale me të dënuarit. Për këtë qëllim, ajo kishte çarë pantallonat e uniformës.
Ajo e mohoi këtë akuzë, por gjykatësi tha se e kishte të vështirë të imagjinonte se për çfarë tjetër ishte bërë ky veprim tek uniforma. Së dyti ajo akuzohej se nuk raportoi faktin që i dënuari kishte celular në qeli.
Gjykata dëgjoi se ajo kishte rënë në dashuri me njeriun e gabuar në momentin e gabuar dhe për këtë fakt kishte shkëmbyer qindra letra dashurie me Warren.
Gjithashtu ajo kishte bërë tatuazh emrin e tij. Lidhja e tyre zgjati që prej Qershorit të 2018-s deri në Dhjetor të atij viti, kur edhe u zbuluan.
Në Janar të 2019-, ajo u la në liri me kusht, por të premten mori dënimin përfundimtar prej dy vitesh burg.
