Pjesëmarrja e Alketa Vejsiut në prezantimin e Sanremos, pasoi me debate të shumta. Ndër të tjera, Alketa tha se Festivali i Këngës në RTSH, për herë të parë i ishte besuar një femre, duke iu referuar në këtë mënyrë, vetes.
Por kjo deklaratë nuk suprizoi vetëm publikun por edhe prezantueset e festivaleve ndër vite.
Dhe një nga ata është dhe moderatorja Hygerta Sako. Kjo e fundit ka ironizuar Alketën nëpërmjet një postimi në Instagram.
“Eh mi motra çfarë vëllai paske pas’”, ka shkruar Sako me humor dhe nuk e ka lënë me kaq.
“Mirë që paskemi qenë të gjithë burra ne që kemi prezantuar Festivalin e RTSH-së, por unë e paskam ngrënë keq, se paskam qenë burrë jo një, por plot 4 herë”, ka shkruar Hygerta me humor.
