Zëdhënësja e OFL-së, Eljesa Breca, e cila tërhoqi vëmendjen e publikut në daljet e saj të para për mediat për shkak të syzeve të diellit që mbante në konferencat për mediat, është diskutuar edhe në ‘Opinion’.
Analisti dhe gazetari Lorenc Vangjeli, e ka cilësuar si skenë të stisur nga vetë kryeministri Edi Rama, i cili pas 30 vitesh si aktor ka zgjedhur të bëjë regjisorin dhe skenaristin.
Sipas Vangjelit syzet e zëdhënëses së OFL-së po përdoren për të tërhequr vëmendjen e publikut dhe të heqë vëmendjen nga operacioni.
‘Kryeministri ynë bëri dhe një sprovë si aktor, ndërkohë ka qenë aktor prej 30 vjetësh. Ndërsa tek OFL është skenarist dhe regjisor. Prej 30 vitesh luan rolin e tij, luan rolin që ja kanë shkruar të tjerët. Tani me qeft ë madh shkruan edhe këtë skenë. Por kjo pjesë nuk është shumë e goditur. Të gjithë po merremi me rrotën dhe po harrojmë thelbin. Kjo është pjesë e një beteje, e asaj për publikun. Nga e hëna shqiptarët janë të bindur që fqinji i tyre i pasur, që deri dje e shikonin me zili sot e shikojnë si subjekt të këtij ligji. Syzet e polices nuk janë në sytë e saj, por në sytë e atyre që nuk e shikojnë’, deklaroi Vangjeli.
