Përballë kryeministrit Edi Rama në konferecën e tij të fundit për shtyp në Uashington, qëndron serbo-boshnjaku Damir Fazlic.
Siç duket në foton e mëposhtme biznesmeni është ulur në panelin përballë kreut të qeverisë.
Damir Fazlic është një biznesmen i sulmuar vazhdimisht nga Rama dhe opozita e majtë gjatë qeverisë Berisha. Fazlicin e kanë cilësuar si mik dhe bashkëpunëtor të Sali Berishës, duke e akuzuar për marrje tenderash në mënyrë abuzive. Sipas Ramës ai shpërblehej me tendera për lobimin që kryente në Uashington pro Sali Berishën.
Në atë kohë ai akuzohej nga Rama se i prezantoi Berishës ish-drejtorin e sigurisë së brendshme të SH.B.A, Tom Ridge, duke fituar 500,000 dollarë në një vit.
Më herët, boshnjaku është cilësuar si agjent i CIA-s, trafikant mbetjesh bërthamore, pastrues parash dhe biznesmen kontrovers; këto akuza, shpesh me shumë pak fakte, nuk janë provuar kurrë.
