Toni Kroos ka lënë të kuptohet se kontrata aktuale me Realin e Madridit do të jetë e fundit për të si lojtar profesionist.
30-vjeçari do të jetë pjesë e Real Madrid deri në vitin 2023, atëhere kur dhe i skadon kontrata dhe në lidhje me këtë fakt, ai ka thënë që mosha 33-vjeçare do të ishte ideale për të për t’i dhënë lamtumirën futbollit.
“Nuk jam tipi i lojtarit që të luaj deri në 38-vjeç. Kam akoma një kontratë trevjeçare deri në verën e vitit 2023. Atëherë do të jem 33-vjeç, një moshë e mirë për të filluar jetën pas futbollit”. – ka thënë gjermani për Sportschau Club.
