Deklarata e Robert Berishës, në një intervistë për “Prive”, ngjalli reagime të forta pak javë më parë. Roberti shprehej se është normale që një burrë të mbajë dashnore dhe këshillonte gratë të mos bëjnë gabime. Sipas tij nuk ka asgjë të keqe, nëse një mashkull ka dashnore dhe e lë gruan e tij në shtëpi.
Një deklaratë e tillë u shoqërua me kritika të forta nga publiku. Disa e quanin një gjest të ulët dhe nuk prisnin që një burrë si Roberti t’i thoshte këto fjalë.
Pas këtyre komenteve negative, Roberti ka treguar se është penduar për deklaratën e tij dhe se kërkon falje publike.
I ftuar në emisionin “Wake Up” ai tha se pa dashur me deklaratën e tij ka ofenduar edhe femrat e familjes, përfshirë nënën, Norën dhe vajzën Renee.
“Kam kërkuar falje. Kush nuk e njeh Robertin nga afër edhe mund ta keqkuptojë deklaratën time. Ka qenë me humor, sarkazëm. Ishte një çast dhe kur dal para intervistave nuk i shoh kamerat. Me 1 milionë intervistat e mia me një e dhjeva. U bënë dy me këtë. Dua të kërkoj falje për të gjitha gratë, nënat dhe motrat shqiptare që janë prekur dhe e morën ashtu. Nuk e njohin Robertin dhe nuk mendoj ashtu. Është keqinterpretuar. Nëse kam ofenduar kam lënduar mamin tim, mamin e Renesë dhe të gjitha femrat që kam familje,”-tha ai.
Roberti tregoi se nuk është në një marrëdhënie dhe se nuk ka pasur dashnore kur ishte me Norën, duke shtuar se kur të lidhet do e bëjë publike lidhjen.
“Tekstin dhe titullin nuk e vendos unë. Njerzit mendojnë se e kam bërë me qëllim por nuk ka lidhje. Jam i kënaqur me këngën. As kënga ime dhe as këngën e Norës nuk ka të bëjë me jetën tonë private. Dashnore nuk kam dhe as nuk do të kem. Nëse do kem do e bëj publike kështu që muhabetet nuk ndalen. Jam njeri i shoqërueshëm dhe në shoqëri kam pasur femra afër vetes. Kur ta kem bëjnë femër do ta bëj publike. Për momentin jam fokusuar tek puna,”– tha këngëtari.
