Avni Ahmeti, punonjës në Agjensinë Kadastrale të Kosovës, e drejtuar nga Murat Meha, kryetar i Komisionit shtetëror për Demarkacionin Kosovë-Mali i Zi ka dërguar sot një mesazh në rrjetin social Facebook në adresë të Ardit Mekshiqi.
Ahmeti e këshillon Mekshiqin të qëndrojë në shtëpi në datën 29 gusht, pikërisht në ditën kur pritet të zhvillohet një tubim protestues përpara Ambasadës së Kosovës në Tiranë, për të kundërshtuar demarkacionin e Kosovës me Malin e Zi.
Z.Mekshiqi është një qytetar mjaft aktiv i shoqërisë civile në Tiranë, veçanërisht për tema me karakter kombëtar, politik dhe mjedisor.
Ardit Mekshiqi konfirmon se e ka patur marrëdhënie shoqërore me z. Ahmeti, por që prej dy vitesh nuk kishin kontaktuar.
