Një krim brenda familjes është parandaluar në kryeqytet. Një 32-vjeçar ka kërcënuar me armë zjarri vëllain e tij, për motive të dobëta. Ngjarja ka nodhur në fshatin Lanabregas.
Pas ndërhyrjes së forcave “Shqiponjat” dhe “Shigjetat“, 32-vjeçari është vënë në prangat, duke u parandaluar një vrasje.
Sipas Policisë, “shtetasi S. L., 32 vjeç, për motive të dobëta, kërcënoi për vrasje vëllanë e tij, shtetasin XH. L., 37 vjeç”.
Në cilësinë e provës materiale janë sekuestruar dy armë zjarri (kallashnikov e pushkë) dhe fishekë luftarak
Materialet i kalojnë Prokurorisë së Rrethit Gjyqësor Tiranë, për veprime të mëtejshme, për veprat penale “Dhuna në familje” dhe “Armëmbajtja pa leje”, për të cilën parashikohet dënimi deri në 7 vjet burgim.
