Një grua në Kinë shpëtoi nga personi që tentoi ta përdhunonte, duke i thënë se ishte nga Wuhan-i, qyteti ku ka shpërthyer epidemia e koronavirusit.
Daily Mail shkruan se 25-vjeçari Xiao u fut në banesën e viktimës të premten në qytetin Jingshan, pranë Wuhan-it.
Por teksa tentoi ta sulmonte seksualisht, ajo i tha se ishte kthyer nga Wuhan-i, ku ishte infektuar.
Më pas ajo nisi të kollitej. Autori u largua me shpejtësi, por i mori asaj edhe një shumë prej 500 dollarësh.
Policia nisi një hetim, por tha se ishte e vështirë që të identifikohej autori sepse të gjithë njerëzit mbajnë maska.
Në fund ai u vetëdorëzua dhe tashmë është në qeli.
