Gara e Çmimit të Madh të Kinës në Formula 1, e planifikuar më 19 prill të këtij viti, mund të zhvillohet më 27 shtator.
Organizatorët e garës kineze, që zhvillohet në Shanghai, kanë nisur bisedimet me organizatorët e garës së Çmimit të Madh të Rusisë, që zhvillohet në Sochi, për të shkëmbyer datat e zhvillimit të garave.
Kjo ide për të shkëmbyer data është hedhur sot dhe pritet të konkretizohet ditët në vijim. Ajo vjen për shkak të coronavirusit që ka “pushtuar” Kinën, duke e vënë në dyshim garën në shtetin aziatik.
Edhe Liberty Media, kompania që zotëron aksionet e Formula 1, është dakord me këtë shkëmbim datash mes Kinës dhe Rusisë dhe ka nisur të ndërmjetësojë që gjithçka të mbyllet sa më shpejt.
