Ambasadori i Bashkimit Europian në Tiranë, Luigi Soreca, është filmuar mbrëmjen e djeshme ne një prej lokaleve të natës në qendër të Tiranës.
Siç shihet dhe nga video, shumë të rinj kercejnë dhe argëtohen nën tingujt e muzikës ku mes tyre është dhe diplomati europian.
I dërguari i BE-së ka zgjedhur të shfrenohet në lokalet e natës, vetëm pak orë para se anti-KÇK të vihet në lëvizje në terren, sikundër kanë paralajmëruar zyrtarët e qeverisë. Soreca ishte një nga diplomatët, për të cilin, në fillim të marrjes së detyrës së kreut të Delegacionit të BE-së kishte pritshmëri të lartë nga shqiptarët, por shpejt ai vijoi të njëjtën politikë si ish-ambasadorja, Romana Vlahutin, duke mbështetur qeverinë, pavarësisht shkeljeve të shumta kushtetuese dhe ligjore.
Pas shlodhjes në një prej lokaleve të natës, duket se Soreca ka pasur më të qartë idenë mbi ligjin anti-KÇK, pasi përmes një deklarate shprehu mbështetjen për të, edhe pse shumë prej konstitucionalistëve më të njohur në vend, kanë ngritur shqetësimin për shkeljen e të drejtave kushtetuese, për faktin se policisë i jepen kompetenca që më parë i kishin Gjykatat dhe Prokuroria.
