Mediat britanike kanë publikuar disa fotografi të ish-dukeshës, Meghan Markle. 38-vjeçarja shfaqet duke pozuar në tapetin e kuq ose në selfie të ndryshme me aktorë të tjerë apo miq, poza këto ndryshe nga ç’jemi mësuar me formatin mbretëror.
Meghan dhe i shoqi, princi Harry janë zhvendosur së fundmi në Kanada, menjëherë pas vendimit të tyre për të hequr dorë nga titujt mbretërorë, mirëpo duket se nuk do të jenë aspak të qetë në jetën që kanë nisur.
Ndonëse llogaria e saj në Instagram u fshi dy vite më parë, sapo çifti bëri publik fejesën, disa nga fotografitë e saj kanë mbetur ende në platformën në fjalë.
