Partia Demokratike ka disa ditë që e akuzon deputetin socialist, Sadri Abazi se ka ndërtuar në Tiranë një kat pa leje, po gjithashtu e akuzon se është favorizuar nga kryeministri Edi Rama oër të fituar një tender edhe pse me ofertën më të lartë.
Këtyre akuzave deputeti Abazi i përgjigjet duke I thënë se influence e tij në Dibër është shumë e madhe.
“Iu kam treguar dibranëve me fakte se jam burrë i mirë. Saliun e kam mundur kudo dhe do ta mund përsëri. Saliu në 25 vite e ka poshtëruar shqiptarin. Ai flet për mua dhe Ramën dhe nuk mbron dot Zenin. Saliu e di se në Dibër influenca ime është shumë e madhe”, tha ai.
Në një deklaratë për mediat, zëdhënësja e PD¬së, Ina Zhupa, akuzoi Abazin, se me “tenderat e Ramës për Sadriun fiton oferta më e lartë, e kompanisë së tij Alko Impex, me diferencë me ofertën më të ulet me 98 milion lek. 98 milion lek më shumë që i jepen njerit prej të dërguarve me punë votash në Dibër, Sadriut, në kurriz të qytetarëve”.
