Këtë vit pjesë e administratorëve të provimit të maturës shtetërore do të jenë edhe praktikantët e mësuesisë. Lajmin e ka bërë të ditur vet ministrja e arsimit Besa Shahini.
Në një postim në rrjetin social, ajo ka shpjeguar se praktikantët e mësuesisë të cilët nuk janë të fushës për të cilin do të zhvillohet provimi do të jenë administratorë për Maturën Shtetërore. Sipas saj, praktikanti do të menaxhojë mbarëvajtjen e zhvillimit të provimeve duke filluar nga shpërndaja e fletëve te testimit për maturantët.
“Përveç oficerëve të sigurisë, punonjësve të #MASR dhe institucioneve të varësisë, administratorë provimi këtë vit në Maturën Shtetërore do të jenë edhe praktikantët e mësuesisë, të cilët nuk janë as të fushës për të cilin zhvillohet provimi dhe nuk e administrojnë provimin në qytetin ku kanë zhvilluar praktikën”, shkruan ministrja Shahini.
