Shkrimtarja e njohur Flutura Açka e ndjeshme gjithmonë me atë që ndodh në Shqipëri ka shprehur shqetësimin e saj lidhur me mbjelljen në masë të hashashit në të gjithë vendin.
Me anë të një statusi në “Facebook” Açka thotë se fshati i Lazaratit humbi në vlerën e tij për hashashin ndërsa të tjerë fshatra në gjithë Shqipërinë ja kanë zbehur famën. “Të keqen e Lazaratit, të paktēn përmendej vetëm ai; tani ç’të përmendim më pare”, shkruan shkrimtarja Flutura Açka.
Ja statusi i Flutura Açkës:
Në Lungare ka pak jetë njerëzore, por ka jetë hashashi me tepri. Të vetmet makina që sheh janë ato që çojnë e marrin punëtorët e ‘kompanise’, ose rojet. Sepse ruhet mirë mali dhe malli, thonë.
Madje edhe retë i kemi aleatë, siç edhe duket nga fotoja. Një i madh ka hise. Cili ‘i madh’ të jetë valle? Kush e kontrollon territorin?
U shqymë e u shamë për ato reformat e territorit dhe prapë fusha e male hashashi e bëmë. Kurrë nuk kemi qenë kaq qesharakë me këtë çështjen e hashashit. Digjen e priten përditē bimë, por pyetja është e thjeshtë: Meqenêse ka kaq shumë, si u mboll kaq shumë ndër sytë tanë?
Të keqen e Lazaratit, të paktēn përmendej vetëm ai; tani ç’të përmendim më parë.
Shtet zorrësh e sorrësh njëzet e pesë vjet!
