Persona ende të paidentifikuar kanë grabitur rreth 4 mijë euro nga kasaforta e një banese në qytetin e Lushnjës.
Banesa ndodhet në lagjen “Gafur Muço” dhe mësohet se është në pronësi të shtetasit L. Dervishi.
Burimet nga policia bëjnë me dije se autorët kanë hyrë në banesë nga dritarja, duke i thyer xhamat.
Pronari i shtëpisë ka deklaruar para grupit hetimor se në kasafortë kishte kursimet e shtëpise, një shumë rreth 4 000 euro.
Policia ka nisur hetimet për zbardhjen e ngjarjes.
