Që nga koha e largimit të Sir Alex Ferguson dhe Cristiano Ronaldos, skuadra e Manchester United ka pësuar rënie graduale për sa i përket standardeve të klubit në fushën e lojës dhe jashtë saj.
Prej kohësh drejtori ekzekutiv, Ed Woodward, ka marrë kritika nga fansat për formën e dobët të klubit. Por kohët e fundit ai ka qenë pjesë e sulmeve direkt dhe të ashpra nga tifozët. Gjithçka filloi në ndeshjen mes Man.United dhe Burnleyt në “Old Trafford”, të mërkurën e kaluar, ku fansat e “djajve” në kor këndonin këngë me fjalë të rënda ndaj Woodward madje duke i uruar vdekjen.
Këtë herë tifozët e skuadrës angleze, inatin nuk e kanë nxjerrë me kore, por e kanë ekzagjeruar duke sulmuar shtëpinë e drejtorit ekzekutiv Ed Woodward, ngjarje që nuk është marrë kaq lehtë nga klubi.
Një grup huliganësh mbrëmjen e djeshme, kanë hedhur fishekzjarre në drejtim të banesës së drejtorit të United. Videoja është filmuar nga fansat dhe është hedhur në rrjetet sociale, duke u shpërndarë edhe më gjerë.
“Ed Uduard do të vdesë”, shkruhej në video. Forcat policore kanë shkuar me shpejtësi në shtëpinë e zyrtarit të klubit dhe tashmë kanë nisur hetimet. Edhe klubi ka dalë në një deklaratë për mediat, teksa dënon këto akte dhune.
https://www.youtube.com/watch?v=-QM4ItxndPk
