Kryetari i grupit parlamentar të LSI-së, Petrit Vasili i pyetur nga Ora News lidhur me ndryshimet në qeveri ka thënë se është e nevojshme të ndodh nëse dikush nuk ka impenjimin e duhur.
E, ndërsa afron shtatori dhe shtohen zërat për ndryshime në qeveri, Vasili thotë se ky është atribut i kryeministrit Rama.
“Ndryshimet në qeveri nuk kanë të bëjnë me kartat elektorale.
Kur dikush i mungon impenjimi nuk ka moment elektoral por patjetër duhet të lëvizë. Ndryshimin e njerëzve nuk e kemi parë në funksion të ditës apo çështjeve elektorale por në frymën e përgjegjësisë ndaj detyrës.
Nuk ka një ditë të caktuar ku mund të bëhen ndryshime dhe një ditë ku nuk mund të bëhen ndryshime. Kjo është një dinamikë që vlerësohet vetëm nga performanca”, tha Vasili.
