Përhapja e epidemisë “Coronavirus”, është kthyer në një shqetësim për të gjithë madje edhe për shqiptarët të cilët jetojnë me frikës se mos ndoshta prek edhe vendin tonë.
Së fundmi, një grua e kthyer nga Kina para 10 ditësh është shtruar në infektiv pasi kishte dyshime se ishte e infektuar me koronavirus.
Por pas ekzaminimit mjekët deklaruan se ajo ka grip të thjeshtë dhe nuk ka koronavirus apo shenja të saj. Gruaja do të dalë shumë shpejt nga spitali dhe nuk ka dyshime se ajo ka koronavirus dhe të përbëjë rrezik për qytetarët shqiptarë.
Në Shqipëri nuk ka ende asnjë rast të dyshuar me koronavirus deri ditën e sotme. Virusi i ri vdekjeprurës në Kinë u ka marrë jetën brenda një jave 132 personave, ndërsa rreth 6000 të tjerë janë të prekur dhe po marrin trajtimin e duhur, por mbi 125 nga të infektuarit janë në gjendje kritike.
