Detaje të reja zbardhen nga dosja në ngarkim të 18-vjeçarit nga Durrësi, i cili akuzohet se ka abuzuar seksualisht me një vajzë të mitur, 16 vjeçe.
“BoldNews” mëson se në dëshminë e saj, vajza ka pretenduar se para se të abuzohej seksualisht, ajo është droguar. Për këtë, përveç akuzës “Marëdhenie seksuale ose homoseksuale me dhunë me të mitur të moshës 14-18 vjeç”, prokuroria ngriti ndaj të akuzuarit edhe akuzat për veprat penale: “Përshtatja e lokalit për përdorim droge” dhe ”Nxitja për përdorimin e drogës”.
Ndërkohë, i riu ka pretenduar se marrëdhënia ka qenë konsensuale.
Ngjarja
Sipas hetimeve paraprake të prokurorisë, më datë 19 janar, është paraqitur dhe ka bërë kallëzim shtetësia 16-vjeçe së bashku me prindërit e saj në Komisariatin e Policisë Durrës, duke pretenduar se ndaj saj është kryer marrëdhënie seksuale me dhunë nga shtetasi D.M..
Më datë 18 Janar, ajo së bashku me shoqen e saj janë larguar nga shtëpia dhe kanë takuar shtetasin D.M., i cili së bashku me to kanë shkuar në banesën e tij, ku aty ndodheshin dhe tre shokë të tij. Gjatë kohës që kanë qëndruar në banesë,kanë konsumuar lëndë narkotike në formën e cigares dhe që ofrohej nga shtetasi D.M. Në një moment, kallëzuesja deklaron se ajo së bashku me D.M. kanë hyrë të vetëm në njërën nga dhomat në banesën e tij dhe aty, pa pëlqimin e saj, D.M. ka kryer marrëdhënie seksuale me të. Kjo marrëdhënie ka zgjatur rreth një minutë mbasi ajo ka ndier dhimbje dhe i ka thënë ta ndërpresë. Pas kësaj, ajo ka qëndruar gjithë natën me D.M. në banesën e tij dhe të nesërmen në mëngjes ka shkuar në banesën e saj.
Pas kallëzimit, D.M. u vu në pranga, ndërsa më 23 Janar u la nën masën e arrestit me burg me afat 30 ditë. Gjykata vendosi në përputhje me kërkesën e prokurorisë, duke argumentuar se gjatë këtij afati duket të kryhet ekspertimi për të zbuluar nëse ndaj 16-vjeçares është abuzuar.
/BoldNews/
