Qindra të rinj dhe të reja kanë mbushur sot ambjentet e Drejtorisë së Policisë Tiranë për të tërhequr kodin e aplikimit për Shkollën Bazë të Policisë.
Procesi i aplikimit filloi rreth orës 11:30, shumë më vonë sesa ishte parashikuar ndërkohë që janë mbi 5020 konkurrentë që qëndrojnë në radhë për të marrë sot numrin kodik që do t’i mundësojë pjesëmarrjen në testimin me shkrim.
Bëhet me dije se ai që nuk merr këtë numër kodik do të skualifikohet menjëherë për konkurrimin në Akademinë e Sigurisë për Shkollën Bazë të Policisë, për “Patrullë e Përgjithshme”.
Ministri i Brendshëm Saimir Tahiri bën me dije se rekrutimi i efektivëve të rinj shërben për uljen e moshës së madhe të punonjësve të policisë. Por e parë në një këndvështrim tjetër, Tahiri mesa duket do t’i besojë të rinjve situatën e rendit në vend, pas dështimeve të njëspasnjëshme kohët e fundit për zbardhjen e ngjarjeve kriminale.
