Një ngjarje e rëndë ka tronditur sot qytetin e Gjakovës në Kosovë, ku tre persona janë vrarë me armë zjarri.
Mediat në Kosovë shkruajnë se ngjarja ka ndodhur sot rreth orës 16:00, në rrugën “Ismail Qemajli” në Gjakovë.
Lajmin e ka konfirmuar për KosovaPress, zëdhënësja e Policisë së Kosovës për rajonin e Gjakovës, Lirie Podrimaj.
“Në orën 16:00 ka ndodhur një vrasje, ku tre persona kanë humbur jetën, në rrugën “Ismail Qemali” në Gjakovë. Patrullat policore i janë përgjigjur menjëherë informatës dhe janë në kërkim të të dyshimtit”, ka thënë Podrimaj.
Ajo ka shtuar se viktimat janë të gjinisë mashkullore, të moshës 25-35 vjeçare.
Motivet e kësaj ngjarje ende nuk dihen.
