Në amendamentet e bëra nga ekspertët e Partisë Demokratike vihet ndryshimi I qëndrimit ndaj ILDKPKI-së. Fillimisht PD u shpreh kundër rolit të ILDKPKI duke kërkuar përjashtimin e këtij institucioni nga procesi i kontrollit, por në amendamentet e përcjella ditën e sotme, vihet re që kërkohet forcimi i rolit të këtij institucioni.
Në nenin 24 të draftit të EURALIUS dhe OPDAT theksohet se Komunikimi elektronik i anëtarëve të institucioneve të rivlerësimit monitorohet nga Njësia e Posaçme Hetimore e krijuar me ligjin “Për organizimin dhe funksionimin e institucioneve për të luftuar korrupsionin dhe krimin e organizuar”, kurse të ardhurat financiaretë tyre monitorohen nga Drejtoria e Përgjithshme e Parandalimit të Pastrimit të Parave sipas pëlqimit të dhënë prej tyre në nenin 7, paragrafi 3, shkronja “d” e këtij ligji, për të gjithë kohëzgjatjen e mandatit të tyre.
Ndërsa në amendtimet e PD-së ndryshe nga sa ishte kërkuar në fillim, kërkohet që ky proces kontrolli të kryhet nga ILDKPKI. “Në nenin 24 të projektiligjit, që numërtohet neni 45, bëhen ndryshimet si vijon: Telekomunikimi i anëtarëve të institucioneve të rivlerësimit kryhet nga të njëjtat organe që kontrollojnë telekomunikimin e gjyqtarëve të Gjykatës së Posaҁme të parashikuar nga neni 135 pika 2 e Kushtetutës, ndërsa të ardhurat e tyre financiare kontrollohen nga ILDKPKI, për të gjithë kohëzgjatjen e mandatit të tyre.”- shkruhet në mendimet e PD-së.
