Një rast i mirëfilltë i korrupsionit ka ndodhur në doganën e Hanit të Hotit.
Një video e raportuar në Jeta osh qejf, pretendohet se polici merr lekë nga një shofer kamioni për të kaluar lirshëm në doganën e Hanit të Hoti.
Rastet janë filmuar dje dhe sot në Han të Hotit dhe janë dëshmi e qartë e korrupsionit. Sipas raportuesit, “e bukura” është se policët nuk pranojnë monedhë tjetër, veç euro-ve. Më poshtë keni dy raste, ku polici në Han të Hotit merr para dhe më pas lejon automjetet të kalojnë. Në rastin e dytë, fillimisht polici i bën presion shoferit se do e kthejë mbrapsht, por e lejon të kalojë kur merr paratë.
