Kryeministri australian Malcolm Turnbull i ka dhënë 5 dollar një lypsi teksa po kalonte afër tij.
Ky veprim ka irrituar australianët pasi në foton e publikuar të këtij momenti kryeministri në njërën dorë mbante 5 dollarët ndërsa në tjerën tufë me kartëmonedha, prerja e të cilave nuk dallohet mirë.
Fotoja u postua në rrjetet sociale nga një gazetare e “Guardian”, e cila shkruante: Shikoni dorën e djathtë të kryeministrit, më pas shikoni dorën e majtë. Besoj se nuk ka nevojë për koment”.
Të shumta kanë qenë reagimet për shumën e vogël që ka dhuruar, ndërsa në dorën tjetër mbante shumë para.
Ndërsa të tjerë e kanë akuzuar se e ka përdorur lypësin për t’i bërë vetes publicitet.
