Gardianët e burgut të Shën Kollit në Lezhë kanë kapur një pëllumb me 3 qese që kishin brenda 30-45 gram hashash ditën e enjte.
Futja e drogës në qeli për të burgosurit është një mënyrë e njohur në burgjet e vendeve të tjera të botës që tashmë po aplikohet edhe në Shqipëri.
Të burgosurit përdornin pëllumbat për të sjellë drogë nga jashtë. Kjo ka vënë në lëvizje strukturat e burgut dhe policinë e burgjeve. Për ngjarjen është njoftuar edhe policia e Lezhës dhe SHKB që ka nisur hetimet.
