Partizani pritet të niset i plotë ndrej Krasnodarit për ndeshjen e parë play-off të Europa League.
Mbrojtësi Labinot Ibrahimi dhe mesfushori Ylber Ramadani do të pajisen me vizë nga Ambasada Ruse në Beograd, sikurse kanë qenë direktivat e dhëna nga instancat më të larta shtetërore në Rusi. Ngërci i krijuar prej më shumë se jave është drejt zgjdhjes, kjo falë ndërhyrjes së UEFA-s, që i ka dhënë direktivat palës ruse për të mos krijuar një precedent që do të ishte vetëm në dëm të saj. Dy zyrtarët e klubit të kuq, përfaqësuesi i zyrës së shtypit Olsi Ranxhi dhe sekretari i klubit, Gerald Burbam, kanë kryer të gjitha procedurat në Amabasadën Ruse në Serbi, për pasisjen me pasaportë të dy futbollistëve të kuq, pa të cilët në organikë Partizani nuk mund të udhëtonte drejt Rusisë.
Për shkak të procedurave të ndryshme që ndiqen nga Ambasadat Ruse në Shqipërisë dhe Serbi për pajisjen me pasaportë të shtetasve kosovarë, ishte më e lehtë që vizat të merreshin në Beograd. Përtej cdo situatë të pakëndshme të krijuar, në kampin e kuq janë të kënaqur që kjo problematike u zgjidh dhe Partizani do ta udhëtojë me të gjithë futbollistët që ka në dispozicion për ndeshjen e 18 gushtit. Itailiani Adolfo Sormani duhet të zgjidhë krahun e majtë të mbrojtjes, ku mungon Renaldo Kalarin, i cili është pezulluar me dy ndeshje nga UEFA pas kartonit të kuq që mori në Elbasan Arena me Salzburgun. Alternativë për këtë rol është Emiliano Vila.
