Elseid Hysaj do të qëndrojë përfundimisht tek Napoli dhe në rast se një klub është i interesuar për të, duhet t’i paguajë më parë ekipit italian 40 milionë euro.
Tratativat mes manaxherit të futbollistit shqiptar kanë përfunduar me sukses për të dyja palët.
Mbrojtësi i kombëtares shqiptare ka përfituar një rritje të ndjeshme të pagës, ndërsa Napoli ka siguruar shërbimin e tij.
Hysaj, vetëm 23 vjeç, është një nga futbollistët e besuar të trajnerit Sarri, që pasi bëri mirë te Empoli shkëlqeu sezonin e fundit dhe tek Napoli, duke hyrë në orbitën e merkatos së shumë klubeve evropiane, mes tyre Bayern e Barcelona.
